Copart-ის აუქციონი - ყველაფერი, რაც შეძენამდე უნდა ვიცოდეთ

Copart მსოფლიოში ერთ-ერთი უმსხვილესი ამერიკული სადაზღვევო ავტოაუქციონია, სადაც ყოველდღიურად ათასობით ავტომობილი იყიდება. საქართველოში იმპორტირებული ავტომობილების უდიდესი ნაწილი სწორედ ამ პლატფორმიდან მოდის.

რას ნიშნავს სადაზღვევო აუქციონი?

Copart-ზე ავტომობილებს ძირითადად სადაზღვევო კომპანიები, ბანკები და სადილერო ქსელები განათავსებენ. ეს არის საგზაო შემთხვევის შედეგად დაზიანებული, ჩამოწერილი, ნაქურდალი/ნაპოვნი ან ფლოტიდან ამოღებული ტექნიკა. ვინაიდან გამყიდველები მიზნად ისახავენ ზარალის სწრაფ ამოღებას, აუქციონზე ფასები საბაზრო ღირებულებასთან შედარებით საგრძნობლად დაბალია. თუმცა, დაბალ ფასთან ერთად, ლოტის ყურადღებით შესწავლა აუცილებელია.

რას მივაქციოთ ყურადღება ლოტის შემოწმებისას?

შეძენამდე აუცილებელია ლოტის ტექნიკური და იურიდიული დეტალების სიღრმისეული ანალიზი:

• დაზიანების ტიპი (Primary / Secondary Damage): მიაქციეთ ყურადღება დაზიანების ადგილს - Front End (წინა), Rear End (უკანა), Side (გვერდითი), Hail (სეტყვა), Water/Flooded (წყლით დაზიანებული) და ა.შ.
• ძრავის სტატუსი:
  • Run & Drive: ავტომობილი იქოქება, ირთვება სიჩქარეში და მოძრაობს (თუმცა ეს არ ნიშნავს, რომ ავტომობილი ტექნიკურად გამართულია).
  • Starts / Engine Start Program: ძრავი იქოქება, მაგრამ ავტომობილი არ მოძრაობს.
  • Enhanced Vehicles / Non-Builders: ძრავი არ იქოქება ან დაზიანება მძიმეა.
• გასაღების არსებობა (Keys): YES ან NO - გასაღების არქონა დამატებით ხარჯებთანაა დაკავშირებული.
• გამყიდველის სტატუსი (Seller): უმჯობესია ავტომობილის ყიდვა სადაზღვევო კომპანიისგან (Insurance Company), ვიდრე კერძო სადილერო პირებისგან (Dealer / Re-seller).
• საექსპორტო საბუთის ტიპი (Title Type): ყველა საბუთით არ არის შესაძლებელი ავტომობილის აშშ-იდან ექსპორტი (მაგალითად, Bill of Sale, Junk, Parts Only ან Certificate of Destruction საბუთებით ექსპორტი იზღუდება ან დამატებით ხარჯებთანაა დაკავშირებული). ყიდვამდე გადაამოწმეთ ჩვენს საექსპორტო დოკუმენტაციის ცხრილში.
• ისტორიის შემოწმება (CARFAX / AutoCheck): აუცილებლად შეამოწმეთ VIN კოდით ავტომობილის წარსული - მომსახურების ისტორია, რეალური გარბენი და წინა საგზაო შემთხვევები.

როგორ დავიწყოთ ვაჭრობა?

Copart-ზე დამოუკიდებლად ვაჭრობისთვის საჭიროა სპეციალური ლიცენზირებული ანგარიში, აუქციონის მოსაკრებლები (Copart Fees) და სადეპოზიტო თანხა.

VG Auto Export-ის უპირატესობა

ჩვენთან თანამშრომლობისას თქვენ არ გჭირდებათ აუქციონის ძვირადღირებული ლიცენზია ან რთულ ბიუროკრატიაში გარკვევა:

1. თქვენ ირჩევთ სასურველ ლოტს Copart-ზე (ან ჩვენ გეხმარებით შერჩევაში).
2. ჩვენი გუნდი უფასოდ ამოწმებს ლოტის ისტორიასა და ექსპორტის სტატუსს.
3. ვაჭრობას თქვენ ნაცვლად ვაწარმოებთ ჩვენი სადილერო ექაუნთით, რაც აუქციონის საკომისიოების (Fees) ოპტიმიზაციისა და ხარჯების შემცირების საშუალებას იძლევა.